لان مجبور صدكت بوهمهم
وشلت هموم دنياتي وهمهم
كلت المهم احبابي واهمهم
انت وهالبديت تجور بيه
*****************
يالحسنك لغز محد حلالك
تعال وفدوة الك عمري حلالك
مبين هالبعد كلش حلالك
وما ظن بعد ناوي تمر عليه
*****************
بيادر شوك اصيرن لونةمنك
وحبيبي الورد ماخذ لونة منك
شفايف هيج عندك لو انة منك
ابيع الربع بوسة ابخمس مية
*****************
دمع واحزان حبك هيج اذاني
والك مجبور اكضلك هيج اذاني
تدري اني من اصلي هيج اذاني
اشهد ان حبك مو بدية
*****************
نحبه وما كعد وياه حظنا
وجني من الدفو حسيت حضنه
ما رايد غلب بس ردت حضنة
لكن من احضنة شيفك ادية
*****************
روحي شلون اكضها من تهم بيك
ومثل تهمة حبيبي منتهم بيك
ضيم اليمر بية ما انت هم بيك
ولا جنك وانا مبين علية
*****************
الك صار الكلب سلوى ويضل لك
ويولي اليبعدك عني ويضلك
اغار عليك من تمشي وية ضلك
واغارعليك من روحي علية
*****************
اسلم ما ترد مالك عسلماي
وبيك يدير من هجرك عسى الماي
اسالك عن الي بشفتك عسل؟ ماي؟
حليب؟ ودرته اشفافك علية
*****************
رماد الود على فراكه ولعناه
وكلبنا شما سكن شوكه ولعناه
شلي ببابليس اسبنة والعنه
غواني الحب شلة الشيطان بية
*****************
كصير الدرب مالك ماشي عني
وانا ظنتي بجهنم ماشة عني
طفيت وغير شخصك ما شعلني
قيامة لوحدي سويت بية
*****************
شبيهك بالحواري العين يندار
ولجلك فرشت الروح يندار
نذر عمري على عمرك كون يندار
وشكو عندك علل تندار بيه
*****************
لا تظلم دليلي ياك وياك
انا اطفيتك وجف الغير وياك
صدك لوعلي تهد وياك
اهد وافزع واطك بأثنين اديه
*****************
مثل ماي شيكضك وانت جاري
اتمنى تماشي الود وان تجاري
تعذبني بمحبتك وانت جاري
واظن رب العرش وصاك بيه
اللي عنده ابوذيات حلوة يضيفهم بالتعليقات
