احبك مو لانك حلو لا*** لان روحي التقت كبلك ولك بيك
اذا انت اتمر عالاعمه يصيح الله*** والاخرس لون حاجيته يحاجيك
اذب كلبي اعله سهمك وانه مجروح*** واكلك ديربالك خاف اذيك
اجرحني ولك بس كون على كيف*** لان انت وي دمي وخاف اذيك
واجرحني بعد بس كون ما اموت*** حتى من يتهمونك ابريك
علمرايه اوكفت ماشفت وجهي*** شفت وجهك طلعلي وكمت احاجيك
وثبت بمرايتي وجهك امرايات*** وتباوع وجها امرايتي بيك
ابكذلتك شد ركبتي وطلع الروح ***مااريدنها من تبعد اعليك
انت ابحضني لكن احسك ابعيد*** اريدن هيج كون انه انخبط بيك
بياشارع افوت بوجهي الكاك*** افوت ابغير شارع هم الاكيك
ارد للبيت كبلي الكاك بالباب*** تطب كبلي وتكــــلي جاي اتانيـــك
وتالي الليل اكلهم باجر انساك*** وافز من غبشة الله احجي بس بيك
قررت احب غيرك حتى اكدر انساك*** طلع غيرك يشبهك فكرت بيك
0 التعليقات:
إرسال تعليق