انت عينك على شفتي وانه عيني على الشفايف
وانه كل اعضامي ترجف انت خايف واني خايف
شلون هسه منو اليحجي ومنو اليبدي بالسوالف
انت لو اني دخيلك مو همت وكليبي تالف
ادري بعيونك تحبني وكلبي لعيونك موالف
بس تعال اليحجي كلمه بلا خجل وبلامخاوف
ماخجلت بيوم مره بالحجي شايف وعايف
ياما ياما لساني غازل وسكتت ياما مضايف
وهسة اريد احجيلي كلمه مرتبك جسمي يتراجف
اشصاربينه اشمر علينه اشكثر مرينه بمواقف
وهسه اريد احجيلي كلمة مرتبك جسمي يتراجف
وانت شو هم مثلي ترجف بالعرك شو مثلي طايف
اشصاربينه اشمر علينه اشكثر مرينه بمواقف
ما خجلنه وما رجفنه وما نبوك العين طارف
جنهةمو كلمة (احبك) جن جبل بلساني واكف
ارد اكولك شنو هي كلمه لو جرم ومخالف
شوأحبك وحيل أحبك وتاخرت اعذرني اسف
0 التعليقات:
إرسال تعليق